සමණලී.........
සිනහ වී කතා වී
මිතුරු සුරතක නුඹ වෙලී
ජීවිතේ ගී පොත කරා
පාරමී පුරා දින සති ගෙවී
කෝල හැගුමින් නැහැවෙවී
මනලෝල සිනා කවි කාර කතා
මිහිරැති වසන්තය පෙම් බදී.......
බැදුනු පෙම අකීකරුවී
ඉකිබිදුම් හඩ මතු වෙවී
සමණලී නුඹ සැගව ගියදා
- 2012-05-23 -
Saturday, May 26, 2012
Saturday, May 19, 2012
යෝධ අණු........
නිසලතාවයෙන් ආරම්භ කර
අවශෝෂනය කර මහත් දුක
ත්වරණය කර...........
ඉහලම ශක්ති මට්ටම තෙක්
ආ මග නතර කිරීමට
විභාගය යොදාවිද
අසංතුලිත බලයක්.........
සිදුවේද අපගමනය වන්නට
පරාවර්තිත කිරණයක් විලස
එහෙත්......
අවස්ථිතික රාමුව තුළ සිට
ස්ථායිතාව රැක ගන්නට
විමෝචනය කර ශක්තිය
ප්‍රගමන තරංගයක් විලස
වියෝග ප්‍රවේගයෙන්
ගමන් කලවිට
හැකිවේ දිනක
යෝධ අණුවක් සාදන්නට
වියෝජනය නොවන ලෙස.......
- 2008-06-20 -
Friday, May 18, 2012
ඉලෙක්ට්‍රොනයට කී කවි.....
නිදහස් ඉලෙක්ට්‍රොනය
නුඹ
බන්දන සාදමින් නිදහසේ......
සැරිසරන විට.....
අයනීකරණයට නතු වූ
මොළය...
අතරමං වී කාක්‍ෂික තුළ
විකුම් පායි හදුනාගන්නට
නුඹව........
කැතෝඩ කිරණ එල්ල වෙන විට හදට
තොම්සන් හා එක්ව
රදර්ෆඩ්.....
වියරුවෙන් මෙන් සිනා සෙයි
පිටු අතර සිට.......
සින්න වී අපේ ළමා විය
තරගකාරී ලොවට
විභාගය නම් උසාවිය තුළ
විත්ති කරුවන්ව සිටිමු අප
නිදහස් වී
පියනගන තෙක්
සරසවිය වෙත............!
- 2007-01-17 -
යළි පැමිණෙන්න...............!
කුඩා කළ සිටම මාහට සමීපව
හොඳම මිතුරා වී මට
ඔබ දුන් සෙනෙහස රැක ගනිමි
මගේ හද මඩල තුල................
නුපුරුදු මෙලොව දිවිය
සුපුරුදු කරනට
ඔබ කී කතා කිසි ලෙස
අමතක නොවේ මට
දිවියේ ජය මාවත එක තැනක ඇති බව
හගවා ඒ වෙත යන්නට
එඩිදී පෙන්වා මර්ගය........
සැදෑ අදුර රජයන මොහොතක
යලිනොඑන ගමනක ගියේ ඇයි
ඔබ සීයේ................................
යලි පැමින මා වෙත
ක්‍ෂිතිජයේ හිරු හැංගෙන විට
පහන් තරුව වෙත නෙත් යොමාගෙන
යළි පවසන්න ඔය මුවින්
- 2006-03-01 -
Thursday, May 17, 2012
අහවරයි ළමා විය...................!
පොත් මිටිය ගෙන තුරුලට....
අම්මාගේ අතේ එල්ලිලා
කුඩා අඩි තබා ගිය පාසැල් කල
සොදුරු වුනත් කෙදිනකවත්
ආයේ ඉතින්ඟ නොඑන බව
වැටහුනත් හොදින් මට
අනන්තය තෙක් දිවුන
ගිරි දුර්ග මාවතේ.....
දකින රිසි පරතෙරක්
තව ඈත නම් නොවන වග
දුටු නිසා කල් ඇතිව
යා යුත්තේ තනිවමැයි සිතුන මුත්
තවම සිත ආසයි පාසැල් යන්නට
- 2004-04-04 -
Subscribe to:
Posts (Atom)
