සමණල් සිහිනය
නුඹේ නමින් බැදි සෙනෙහෙට
තවත් කවක් එකතු වෙලා
වළා සළුවක සඟවගෙන එය
රැගෙන එමි දෝතින් අරා........
තාරුකා මල් උදම් වී
නිල් අහස් කුස පුරා
සොයා ආ සිත මගේ වී නුඹ
ජීවිතය කවියක් කලා........
සමසුන් අරා සිත් විල වසා
නොතනියට සෙවනක් වෙලා........
නෙතු කැල්ම මා වෙලද්දී
සමනල් සිහිනය හිනැහුනා........
සද කැන් වැටිලා පිණිපොද දියවී
මල් වැස්සක් දැන් ඇරඹුනා........
පිණිසේලයක් මතුව එද්දී
දෙව්ලිය සිහිනෙට පිවිසුනා........
මින්දද මල් හී සර සැලෙද්දී
සිනා කැන් අහුරක් තියා........
හඳේ ගැඹුරුම තැනට වී එය
සුරඟණ වෙත සක්මන් කලා........
සිහිනයෙන් ආ සිතුම් රූ සර
පෙර නොවිදි රසයක් තියා.........
ළංවුනා නුඹ මගේ හද වෙත
හැරදමා යා නොහැකියි කියා........
- 2008-12-19 -
තාරුකාවී....
තාරුකාවී නුඹ මතුව එද්දී
සොදුරු සිතුවම් නහවමින්
රුවන් විමානෙන් පැමිණි රෑසිරි
තතු කෝම මම කියම්....
මල් හී සරයක දැවටි සෙනෙහස
රැගෙන ගොස් හිත හොර හොරෙන්
පෙම් කවක් ලියන්න හිතෙනවා මට
නිල් අහස් කුස පුරවමින්....
ඇසල සඳ ඇවිත් හිනැහී
වන්දනාවක සිත ගෙන ගිහින්
මීදුම් පිණි පොද
දෑස වසන් කර
වළා සලුවක දවටමින්
හැගුම් අවදිව මැවී කවි කම
නොලියූ කවියක් ලෙසින්
පිණි සේලයක් ඇද හැලෙද්දී
පෙම් කවක් යලි මතු වෙමින්....
- 2008-09-22 -
නුහුරු කවි කම.......
කට කාර කතා හැඩ කාර සිනා
දුරින් හිඳ හොරැගින් බලා........
පාරමී පුරා දින ගනන් ගෙවා
සෙනෙහසේ වදනක් දොඩා.......
රසදුනක් නිසා පෙම් කවක් පතා
සෙවණැලි සිතුවම් වට වෙලා.......
සිහිනයක් වෙලා නුඹ පැමිනි සඳ
කවිකාර අදහස් මතුවෙලා.......
මනමාල කතා සබකෝල සිනා
ළබැදි රූ සිරි දෙස බලා.......
දඟපාන සිනා නුඹ මදෙස බලා
මම නොබැලු ලෙසින් ඉමි ඉවත බලා.......
මිහිරක් තියා සිත් විල වසා
නුහුරු කවිකම හුරුවෙලා.......
සිහිනයක් වෙලා නුඹ පැමිනි සඳ
කවිකාර අදහස් මතුවෙලා.......
- 2012-05-28 -
තනි වෙන්න ආසයි මට....
තනි වෙන්න ආසයි මට
අහස් වියන වෙත නෙත් යොමාගෙන
දුර ක්ෂිතිජයේ සැඟව ගියදා
හිරු තනි කලා මගේ ලොව........
තනි වෙන්න ආසයි මට
සඳ මඩල දෙස නෙත් යොමාගෙන
වළා යහන මත සැඟව ගියදා
සඳ තනි කලා මගේ ලොව........
තනි වෙන්න ආසයි මට
පහන් තරුව වෙත නෙත් යොමාගෙන
සිටිනව නම් නුඹ අභියස
තනිවන් නෑ මගේ ලොව........
- 2011-07-16 -
සමණලී.........
සිනහ වී කතා වී
මිතුරු සුරතක නුඹ වෙලී
ජීවිතේ ගී පොත කරා
මීවිත රැගෙන ආ සමණලී........
පාරමී පුරා දින සති ගෙවී
කෝල හැගුමින් නැහැවෙවී
මනලෝල සිනා කවි කාර කතා
මිහිරැති වසන්තය පෙම් බදී.......
බැදුනු පෙම අකීකරුවී
ඉකිබිදුම් හඩ මතු වෙවී
සමණලී නුඹ සැගව ගියදා
හුදෙකලාවක මා තනි වෙවී........
- 2012-05-23 -
යෝධ අණු........
නිසලතාවයෙන් ආරම්භ කර
අවශෝෂනය කර මහත් දුක
ත්වරණය කර...........
ඉහලම ශක්ති මට්ටම තෙක්
ආ මග නතර කිරීමට
විභාගය යොදාවිද
අසංතුලිත බලයක්.........
සිදුවේද අපගමනය වන්නට
පරාවර්තිත කිරණයක් විලස
එහෙත්......
අවස්ථිතික රාමුව තුළ සිට
ස්ථායිතාව රැක ගන්නට
විමෝචනය කර ශක්තිය
ප්රගමන තරංගයක් විලස
වියෝග ප්රවේගයෙන්
ගමන් කලවිට
හැකිවේ දිනක
යෝධ අණුවක් සාදන්නට
වියෝජනය නොවන ලෙස.......
- 2008-06-20 -
සමුගැන්ම
වසන්තය අහවරයි
මද සුළග කියනවා......
සොයුරු සිත් තනි වෙලා
ඉකි බිදුම ඇහෙනවා.....
පාසලේ සුදු බිත්ති
දුක තවත් ගොතනවා.....
යන්න බෑ විදු මව්නි
නවතින්න සිතෙනවා.....
- 2005-11-08 -
ඉලෙක්ට්රොනයට කී කවි.....
නිදහස් ඉලෙක්ට්රොනය
නුඹ
බන්දන සාදමින් නිදහසේ......
සැරිසරන විට.....
අයනීකරණයට නතු වූ
මොළය...
අතරමං වී කාක්ෂික තුළ
විකුම් පායි හදුනාගන්නට
නුඹව........
කැතෝඩ කිරණ එල්ල වෙන විට හදට
තොම්සන් හා එක්ව
රදර්ෆඩ්.....
වියරුවෙන් මෙන් සිනා සෙයි
පිටු අතර සිට.......
සින්න වී අපේ ළමා විය
තරගකාරී ලොවට
විභාගය නම් උසාවිය තුළ
විත්ති කරුවන්ව සිටිමු අප
නිදහස් වී
පියනගන තෙක්
සරසවිය වෙත............!
- 2007-01-17 -
යළි පැමිණෙන්න...............!
කුඩා කළ සිටම මාහට සමීපව
හොඳම මිතුරා වී මට
ඔබ දුන් සෙනෙහස රැක ගනිමි
මගේ හද මඩල තුල................
නුපුරුදු මෙලොව දිවිය
සුපුරුදු කරනට
ඔබ කී කතා කිසි ලෙස
අමතක නොවේ මට
දිවියේ ජය මාවත එක තැනක ඇති බව
හගවා ඒ වෙත යන්නට
එඩිදී පෙන්වා මර්ගය........
සැදෑ අදුර රජයන මොහොතක
යලිනොඑන ගමනක ගියේ ඇයි
ඔබ සීයේ................................
යලි පැමින මා වෙත
ක්ෂිතිජයේ හිරු හැංගෙන විට
පහන් තරුව වෙත නෙත් යොමාගෙන
යළි පවසන්න ඔය මුවින්
චුටි පුතා යැයි කියා මට...................!
- 2006-03-01 -
මිරිඟුව
ජායාවක් වී ඈතට දිස්වී
දැල් වූවත් සතුටක් සිතට
සෙවණැලි මාවත දිගේ
ලංවූ විට මායාවක් පමනක්ම වන
බලාපොරොත්තු කැන්දන
දෑස රවටන
අරුමය නුඹයි
මිරිඟුව.........!
- 2005-07-05 -
නින්ද
නින්ද ලගා වේ......
සොදයි පියකරුයි එය
එහෙත් විභාගය...
පෙනෙයි වටකුරුව විශාලව
නොහැක පා ඔසවන්න
සිත් සේ නින්ද වෙත
විභාගය හඩ ගායි
නම කියා ඈත සිට...........
- 2005-o7-14 -
අහවරයි ළමා විය...................!
පොත් මිටිය ගෙන තුරුලට....
අම්මාගේ අතේ එල්ලිලා
කුඩා අඩි තබා ගිය පාසැල් කල
සොදුරු වුනත් කෙදිනකවත්
ආයේ ඉතින්ඟ නොඑන බව
වැටහුනත් හොදින් මට
අනන්තය තෙක් දිවුන
ගිරි දුර්ග මාවතේ.....
දකින රිසි පරතෙරක්
තව ඈත නම් නොවන වග
දුටු නිසා කල් ඇතිව
යා යුත්තේ තනිවමැයි සිතුන මුත්
තවම සිත ආසයි පාසැල් යන්නට
අතැගිල්ලේ එල්ලීගෙන................!
- 2004-04-04 -
Animated Social Gadget - Blogger And Wordpress Tips
Twitter Bird Gadget